ໃນວັນທີ 23 ກຸມພາ 2024 ທີ່ຫ້ອງວ່າການສໍານັກງານປະທານປະເທດ ໄດ້ຈັດພິທີປະກາດພະນັກງານອອກພັກການ-ຮັບອຸດໜູນບຳນານ ເປັນກຽດເປັນປະທານໃນພິທີໂດຍທ່ານ ອິນທະປັນຍາ ຂຽວວົງພະຈັນ ຮອງຫົວໜ້າ ຫ້ອງວ່າການສໍານັກງານປະທານປະເທດ, ມີຄະນະພັກ-ຄະນະນໍາ, ຫົວໜ້າກົມ-ຮອງກົມ ພ້ອມດ້ວຍພະນັກງານ-ລັດຖະກອນ ທັງໝົົດເຂົ້າຮ່ວມ.

          ໃນພິທີ ທ່ານ ນ. ຈັນຖະໜອມ ໄຊວິສິດ  ຂຶ້ນຜ່ານຂໍ້ຕົກລົງຂອງທ່ານຫົວໜ້າຫ້ອງວ່າການສໍານັກງານປະທານປະເທດ ສະບັບເລກທີ 764/ຫສປທ ລົງວັນທີ 18 ທັນວາ 2023 ວ່າດ້ວຍການອະນຸມັດໃຫ້ ທ່ານ ນ. ຄອນສະຫວັນ ສີຊານົນ ອະດີດຫົວໜ້າພະແນກຂໍ້ມູນ ແລະ ສຳເນົາເອກະສານ, ກົມຄົ້ນຄວ້າສັງລວມ ອອກພັກການຮັບອຸດໜູນບຳນານ ນັບແຕ່ເດືອນມັງກອນ 2024 ເປັນຕົ້ນໄປ. ພ້ອມນີ້, ກໍໄດ້ມອບເງິນອຸດໜູນບຳນານຈຳນວນໜຶ່ງ, ຂອງຂວັນຈາກຫ້ອງວ່າການປະທານປະເທດ ແລະ ຂອງຂວັນຈາກກົມຄົ້ນຄວ້າສັງລວມ.

          ຕອນທ້າຍ ທ່ານ ອິນທະປັນຍາ ຂຽວວົງພະຈັນ ໄດ້ມີຄໍາເຫັນໂອ້ລົມ ແລະ ໄດ້ຍ້ອງຍໍຊົມເຊີຍ ໃນຜົນງານຕໍ່ການປະຕິບັດໜ້າທີ່ຜູ້ທີ່ພັກຜ່ອນອອກຮັບອຸດໜູນບໍານານ ຊຶ່ງໄລຍະຜ່ານມາໄດ້ສຸມສະຕິປັນຍາ, ເຫຼື່ອແຮງ, ຄວາມຮູ້-ຄວາມສາມາດເຂົ້າໃນການປະຕິບັດໜ້າທີ່ ຊຶ່ງເຮັດໃຫ້ໄດ້ຮັບຜົນສໍາເລັດຢ່າງຫຼວງຫຼາຍ.