ການແຂ່ງຂັນບານເຕະ ມິດຕະພາບ ລະຫວ່າງ ອົງການຈັດຕັ້ງມະຫາຊົນຫສປທ ແລະ ກະຊວງຍຸຕິທໍາ

18/11/2022

ການແຂ່ງຂັນບານເຕະ ມິດຕະພາບ ລະຫວ່າງ ອົງການຈັດຕັ້ງມະຫາຊົນຫສປທ ແລະ ກະຊວງຍຸຕິທໍາ

     ໃນຕອນບ່າຍ ວັນທີ 18 ພະຈິກ 2022 ທີ່ກະຊວງຍຸຕິທໍາ ໄດ້ມີການແຂ່ງຂັນບານເຕະມິດຕະພາບຊາຍ-ຍິງ ລະຫວ່າງ ອົງການຈັດຕັ້ງມະຫາຊົນຫ້ອງວ່າການສໍານັກງານປະທານປະເທດ ( ຫສປທ ) ແລະ ກະຊວງຍຸຕິທໍາ ໂດຍມີທ່ານ ອິນທະປັນຍາ ຂຽວວົງພະຈັນ ຮອງຫົວໜ້າ ຫສປທ ແລະ ທ່ານ ເກດສະໜາ ພົມມະຈັນ ຮອງລັດຖະມົນຕີກະຊວງຍຸຕິທໍາ ພ້ອມດ້ວຍພະນັກງານ-ລັດຖະກອນກໍຄືສະມາຊິກອົງການຈັດຕັ້ງມະຫາຊົນຈາກສອງພາກສ່ວນເຂົ້າຮ່ວມຢ່າງພ້ອມພຽງ.

   

      ກິດຈະກໍາຄັ້ງນີ້ແມ່ນຈັດຂຶ້ນເພື່ອຕ້ອນຮັບວັນສໍາຄັນຕ່າງໆຂອງຊາດທີ່ຈະໝູນວຽນມາບັນຈົບຄົບຮອບ ອີກວາລະໜຶ່ງໂດຍສະເພາະວັນຊາດ ທີ 2 ທັນວາ ຄົບຮອບ 47 ປີ​ ວັນເກີດຂອງປະທານໄກສອນພົມວິຫານ ຄົບຮອບ 102 ປີ (13 ທັນວາ 1920) ແລະ ເປັນການສືບຕໍ່ສ້າງຂະບວນການສະເຫລີມສະຫລອງ ປີສາມັກຄີມິດຕະພາບລາວ-ຫວຽດນາມ, ຫວຽດນາມ-ລາວ 2022 ອີກອັນໜຶ່ງກໍແມ່ນເພື່ອສ້າງຄວາມສະໝານສາມັກຄີລະຫວ່າງອ້າຍນ້ອງພະນັກງານ ແລະ ສະມາຊິກອົງການຈັດຕັ້ງມະຫາຊົນ ຈາກສອງພາກສ່ວນອີກດ້ວຍ ເຊິ່ງຜົນການແຂ່ງຂັນທີມຊາຍ ກະຊວງຍຸຕິທໍາ ຊະນະທີມຊາຍ ຫສປທ 3-2 ແລະ ທີມຍິງແມ່ນສະເໝີ 1-1 ກິດຈະກໍາຄັ້ງນີ້ ເຕັມໄປດ້ວຍຄວາມຟົດຟື້ນມ່ວນຊື່ນ, ດ້ວຍນໍ້າໃຈນັກກີລາ.

 

ຂ່າວຫຼ້າສຸດ
ໜັງສືແຈ້ງເຊີນຍື່ນເຈດຈຳນົງ ສ້ອມແປງໃຫຍ່ ອາຄານຫໍຄຳ
ຂໍ້ມູນຕິດຕໍ່ພົວພັນ
ຈຳນວນຜູ້ເຂົ້າຊົມ