ທ່ານປະທານປະເທດ ຕ້ອນຮັບ ທູດ ສ.ເກົາຫຼີ ຍື່ນສານຕາຕັ້ງ

14/11/2022

ທ່ານປະທານປະເທດ ຕ້ອນຮັບ ທູດ ສ.ເກົາຫຼີ ຍື່ນສານຕາຕັ້ງ

   

     ໃນວັນທີ 14 ພະຈິກ 2022 ທ່ານ ທອງລຸນ ສີສຸລິດ, ປະທານປະເທດ ແຫ່ງ ສປປ ລາວ ໄດ້ຕ້ອນຮັບ ທ່ານ ຈອງ ຢອງ ຊູ ເຂົ້າຍື່ນສານຕາຕັ້ງ ເພື່ອດຳລົງຕຳແໜ່ງເປັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ເກົາຫຼີ ປະຈຳ ສປປ ລາວ, ເຊິ່ງມີສຳນັກງານຕັ້ງຢູ່ ນະຄອນຫຼວງວຽງຈັນ.

     ໃນໂອກາດດັ່ງກ່າວ, ທ່ານປະທານປະເທດ ໄດ້ສະແດງຄວາມຍິນດີຕ້ອນຮັບ ແລະ ຊົມເຊີຍຕໍ່ທ່ານ ຈອງ ຢອງ ຊູ ທີ່ໄດ້ຖືກແຕ່ງຕັ້ງ ມາດຳລົງຕຳແໜ່ງເປັນ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ.ເກົາຫຼີ ປະຈຳ ສປປ ລາວ, ພ້ອມທັງຕີລາຄາສູງຕໍ່ການພົວພັນຮ່ວມມືສອງຝ່າຍ ລະຫວ່າງ ສປປ ລາວ ແລະ ສ.ເກົາຫຼີ ໃນໄລຍະຜ່ານມາເຖິງປະຈຸບັນ. ພ້ອມກັນນັ້ນ, ສະເໜີໃຫ້ ທ່ານທູດ ສືບຕໍ່ຊຸກຍູ້ ການພົວພັນຮ່ວມມືສອງຝ່າຍ ລາວ-ສ.ເກົາຫຼີ ໃຫ້ຂະຫຍາຍຕົວ ແລະ ແໜ້ນແຟ້ນຍິ່ງໆຂຶ້ນ ໃນຕໍ່ໜ້າ ໂດຍສະເພາະການຮ່ວມມືທາງດ້ານການຄ້າ, ການລົງທຶນ ແລະ ນັກທ່ອງທ່ຽວ, ຊຶ່ງເປັນທ່າແຮງສຳຄັນຕໍ່ການພັດທະນາເສດຖະກິດ-ສັງຄົມ ຂອງທັງສອງປະເທດ. ນອກຈາກນີ້, ທ່ານປະທານປະເທດ ໄດ້ອວຍພອນໃຫ້ ທ່ານທູດ ມີສຸຂະພາບເຂັ້ມແຂງ, ມີຄວາມຜາສຸກ ແລະ ປະສົບຜົນສຳເລັດໃນການປະຕິບັດໜ້າທີ່ການທູດອັນສູງສົ່ງຂອງທ່ານ ຢູ່ ສປປ ລາວ.

     ໃນໂອກາດດຽວກັນ, ທ່ານທູດ ກໍໄດ້ສະແດງຄວາມຂອບໃຈຕໍ່ ທ່ານປະທານປະເທດ ທີ່ໄດ້ໃຫ້ກຽດຕ້ອນຮັບຢ່າງອົບອຸ່ນໃນຄັ້ງນີ້ ແລະ ທັງໃຫ້ຄຳໝັ້ນສັນຍາວ່າ ຈະພະຍາຍາມຢ່າງສຸດຄວາມສາມາດເພື່ອຊຸກຍູ້ການພົວພັນຮ່ວມມືສອງຝ່າຍ ໃຫ້ສືບຕໍ່ໄດ້ຮັບການເສີມຂະຫຍາຍຍີ່ງໆຂຶ້ນໃນຕໍ່ໜ້າ.

 

ຂ່າວຫຼ້າສຸດ
ການນຳຂັ້ນສູງ ສປປ ລາວ ຕ້ອນຮັບການເຂົ້າອວຍພອນຂອງບັນດາທູຕານຸທູດ
ຂໍ້ມູນຕິດຕໍ່ພົວພັນ
ຈຳນວນຜູ້ເຂົ້າຊົມ