ທ່ານ ປະທານປະເທດ ແຫ່ງ ສປປ ລາວ ຕ້ອນຮັບການເຂົ້າຢ້ຽມຂໍ່ານັບຍື່ນສານຕາຕັ້ງ ຂອງບັນດາເອກອັກຄະລັດຖະທູດ ຕ່າງປະເທດ ປະຈໍາ ສປປ ລາວ.

10/11/2022

ທ່ານ ປະທານປະເທດ ແຫ່ງ ສປປ ລາວ  ຕ້ອນຮັບການເຂົ້າຢ້ຽມຂໍ່ານັບຍື່ນສານຕາຕັ້ງ ຂອງບັນດາເອກອັກຄະລັດຖະທູດ ຕ່າງປະເທດ ປະຈໍາ ສປປ ລາວ.

     ໃນວັນທີ 10 ພະຈິກ 2022, ເວລາ 10:00 ໂມງ ທີ່ ສະພາແຫ່ງຊາດ ທ່ານ ທອງລຸນ ສີສຸລິດ, ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂໍ່ານັບຍື່ນສານຕາຕັ້ງຂອງ ບັນດາເອກອັກຄະລັດຖະທູດຈາກ 15 ປະເທດ  ເພື່ອດໍາລົງຕໍາແໜ່ງເປັນ ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ    ປະຈໍາ ສປປ ລາວ, ໂດຍ ທ່ານ ປະທານປະເທດ ໄດ້ກ່າວສະແດງຄວາມຍິນດີຕ້ອນຮັບ ແລະ ຊົມເຊີຍ ຕໍ່ບັນດາທ່ານທູດ ທີ່ຖືກແຕ່ງຕັ້ງໃຫ້ດໍາລົງຕໍາແໜ່ງເປັນ ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ຄົນໃໝ່   ປະຈໍາ ສປປ ລາວໃນຄັ້ງນີ້. ໄດ້ແຈ້ງໃຫ້ບັນດາທ່ານທູດ ຊາບໂດຍຫຍໍ້ກ່ຽວກັບ ສປປ ລາວ ກໍຄື ແຜນພັດທະນາເສດຖະກິດ-ສັງຄົມ ໃນແຕ່ລະສະໄໝ ໂດຍສະເພາະແຜນພັດທະນາເສດຖະກິດ-ສັງຄົມ 5 ປີ   ຄັ້ງທີ 9 (2022-2025) ຂອງ ສປປ ລາວ ທີ່ພວມຈັດຕັ້ງປະຕິບັດ ຕາມທິດການພັດທະນາແບບຍືນຍົງ ແລະ ການເຕີບໃຫ່ຍສີຂຽວ ຊຶ່ງ ສປປ ລາວ ພະຍາຍາມຈັດຕັ້ງປະຕິບັດ ເຊື່ອມສານ 17 ເປົ້າໝາຍ “ການພັດທະນາແບບຍືນຍົງ (SDGs)” ຂອງສະຫະປະຊາຊາດ, ພິເສດ ສປປ ລາວ ມີໜຶ່ງສິ່ງທີ່ ສະຫະປະຊາຊາດ ມອບໃຫ້ປະຕິບັດນັ້ນ ຄືການຈັດຕັ້ງປະຕິບັດເປົ້າໝາຍທີ 18 “ຊີວິດປອດໄພຈາກລະເບີດບໍ່ທັນແຕກ (UXO)”. ນອກນີ້ຍັງໄດ້ແຈ້ງໃຫ້ບັນດາທ່ານທູດຊາບວ່າ ສປປ ລາວ ຈະໄດ້ຮັບກຽດເປັນປະທານອາຊຽນໃນປີ 2024 ເຊິ່ງປະຈຸບັນລັດຖະບານລາວ ໄດ້ກະກຽມຄວາມພ້ອມດ້ານຕ່າງໆ ແລະ ສະແດງຄວາມຫວັງເປັນຢ່າງຍິ່ງວ່າ ຈະໄດ້ຮັບການສະໜັບສະໜູນ, ຊ່ວຍເຫຼືອ ແລະ ການຮ່ວມມືຈາກບັນດາທ່ານເອກອັກຄະລັດຖະທູດ ເພື່ອໃຫ້ການເປັນປະທານອາຊຽນ ຂອງ ສປປ ລາວ ປີ 2024 ໄດ້ຮັບຜົນສໍາເລັດຢ່າງຈົບງາມ. ສະແດງຄວາມຂອບໃຈ ແລະ    ຮູ້ບຸນຄຸນ ໂດຍຕາງໜ້າໃຫ້ແກ່ ລັດຖະບານ ແລະ ປະຊາຊົນລາວ ຜ່ານບັນດາທ່ານເອກອັກຄະລັດຖະທູດ ໄປຍັງ ປະມຸກລັດ, ລັດຖະບານ ແລະ ປະຊາຊົນຂອງບັນດາທ່ານ ແລະ ຝາກຄວາມຢື້ຢາມຖາມຂ່າວ ແລະ ອວຍພອນໄຊອັນປະເສີດ ໄປຍັງ ປະມຸກລັດ, ລັດຖະບານ ແລະ ປະຊາຊົນຂອງບັນດາປະເທດທ່ານເອກອັກຄະລັດຖະທູດ ຈົ່ງມີສຸຂະພາບແຂງແຮງ, ມີຄວາມຢູ່ເຢັນເປັນສຸກ ແລະ ອວຍພອນໄຊອັນປະເສີດ ໃຫ້ແກ່ບັນດາທ່ານ ເອກອັກຄະລັດຖະທູດ ຈົ່ງປະສົບຜົນສໍາເລັດໃນການປະຕິບັດໜ້າທີ່ການທູດຂອງຕົນ.

ທ່ານ Alejandro NEGERIN MUNOZ , ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ສາຫະລັດ ແມັກຊິກ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ, ຣາຊະອານາຈັກໄທ.

ທ່ານ ນາງ Colonne Appuhamillage Chaminda Lnoka Colonne, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ສາຫະລັດ ສີລັງກາ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ, ຣາຊະອານາຈັກໄທ.

ທ່ານ Amed Ali A. J. AI-Tamimi, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ລັດກາຕາ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ, ຣາຊະອານາຈັກໄທ.

ທ່ານ Paolo DIONISI, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ອີຕາລີ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ, ຣາຊະອານາຈັກໄທ.

ທ່ານ Abdelhamid BOUBAZINE, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ອານເຊລີ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ຮ່າໂນ້ຍ, ສສ ຫວຽດນາມ.

ທ່ານ Yaron Mayer, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ອິດສະຣາແອນ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ຮ່າໂນ້ຍ, ສສ ຫວຽດນາມ.

ທ່ານ ນາງ Hilde Solbakken, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ຣາຊະອານາຈັກ ນອກແວ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ຮ່າໂນ້ຍ, ສສ ຫວຽດນາມ.

ທ່ານ Mohamed Jina, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ສາທາລະນະລັດ ມານດິວ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ, ຣາຊະອານາຈັກໄທ.

ທ່ານ Felipe DE LA MORENA CASADO, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ແອັດສະປາຍ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ, ຣາຊະອານາຈັກໄທ.

ທ່ານ Seyed Reza Nobakhti, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ອີຣານ    ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ, ຣາຊະອານາຈັກໄທ.

Patrick Hemmer, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ຣາຊະອານາຈັກ ລຸກຊໍາບວກ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ, ຣາຊະອານາຈັກໄທ.

ທ່ານ Muna Abbas Mahmood Radhi, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ຣາຊະອານາຈັກ ບາເຣນ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ,  ຣາຊະອານາຈັກໄທ.

ທ່ານ ນາງ Sibille de Cartier d’Yves, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ  ແຫ່ງ  ຣາຊະອານາຈັກ ແບນຊິກ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ, ຣາຊະອານາຈັກໄທ.

ທ່ານ ນາງ Tatiana Josefina Pugh Moreno, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ ແຫ່ງ ເວເນຊູເອລາ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ຮ່າໂນ້ຍ, ສສ ຫວຽດນາມ.

ທ່ານ Wihelm Maximiliam DONKO, ເອກອັກຄະລັດຖະທູດ ວິສາມັນ ຜູ້ມີອໍານາດເຕັມ  ແຫ່ງ ສາທາລະນະລັດ ໂອຕຣິດ ປະຈໍາ ສປປ ລາວ, ຊຶ່ງມີສໍານັກງານສະຖານທູດ ຕັ້ງຢູ່ ບາງກອກ,  ຣາຊະອານາຈັກໄທ.

 

 

ຂ່າວຫຼ້າສຸດ
ການນຳຂັ້ນສູງ ສປປ ລາວ ຕ້ອນຮັບການເຂົ້າອວຍພອນຂອງບັນດາທູຕານຸທູດ
ຂໍ້ມູນຕິດຕໍ່ພົວພັນ
ຈຳນວນຜູ້ເຂົ້າຊົມ