ຮອງປະທານປະເທດ ເຄື່ອນໄຫວຢ້ຽມຢາມ ແລະ ເຮັດວຽກ 2 ແຂວງພາກໃຕ້

23/09/2022

ຮອງປະທານປະເທດ ເຄື່ອນໄຫວຢ້ຽມຢາມ ແລະ ເຮັດວຽກ 2 ແຂວງພາກໃຕ້

     ໃນວັນທີ 21-23 ກັນຍາ 2022 ຜ່ານມາ, ທ່ານ ນາງ ປານີ ຢາທໍ່ຕູ້ ຮອງປະທານປະເທດ ແຫ່ງ ສປປລາວພ້ອມດ້ວຍຄະນະທີ່ມາຈາກສູນກາງປະກອບມີ: ທ່ານ ນາງ ເຂັມມະນີ ພົນເສນາ ຫົວໜ້າຫ້ອງວ່າການສໍານັກງານປະທານປະເທດ; ທ່ານ ນາງ ວັດທະນາ ດາລາລອຍ ຮອງຜູ້ວ່າທະນາຄານແຫ່ງ ສປປ ລາວ; ທ່ານ ກິແກ້ວ ສິງນາມວົງ ຮອງລັດຖະມົນຕີ ກະຊວງກະສິກໍາ ແລະ ປ່າໄມ້; ທ່ານ ບຸນປອນ ວັນນະຈິດ ຮອງລັດຖະມົນຕີ ກະຊວງການເງິນ; ທ່ານ ອຸ່ນທວງ ຂາວພັນ ຮອງລັດຖະມົນຕີ ກະຊວງຖະແຫຼງຂ່າວ, ວັດທະນາທໍາ ແລະ ທ່ອງທ່ຽວ; ທ່ານ ບຸນເຖິງ ດວງສະຫວັນ ຮອງລັດຖະມົນຕີ ກະຊວງອຸດສາຫະກໍາ ແລະ ການຄ້າ; ທ່ານ ນາງ ພອນສະຫລີ ສຸກສະຫວັດ ຮອງລັດຖະມົນຕີ, ຫົວໜ້າສູນສະຖິຕິແຫ່ງຊາດ, ກະຊວງແຜນການ ແລະ ການລົງທຶນ ໄດ້ຢ້ຽມຢາມ ແລະ ເຮັດວຽກຢູ່ 2 ແຂວງພາກໃຕ້: ແຂວງເຊກອງ ແລະ ແຂວງຈໍາປາສັກ. ຈຸດປະສົງຂອງການຢ້ຽມຢາມໃນຄັ້ງນີ້ ເພື່ອລົງຕິດຕາມການຈັດຕັ້ງປະຕິບັດແຜນພັດທະນາເສດຖະກິດສັງຄົມຂອງແຂວງ 5 ປີ ຄັ້ງທີ IX, ຊຸກຍູ້ຈັດຕັ້ງປະຕິບັດ 2 ວາລະແຫ່ງຊາດ ເປັນຕົ້ນ ການແກ້ໄຂບັນຫາຄວາມຫຍຸ້ງຍາກທາງດ້ານເສດຖະກິດການເງິນ ໃຫ້ເອົາໃຈໃສ່ຄຸ້ມຄອງລາຄາສິນຄ້າ ທີ່ຕິດພັນກັບຊີວິດການເປັນຢູ່ຂອງປະຊາຊົນ; ສືບຕໍ່ເອົາໃຈໃສ່ຄຸ້ມຄອງອັດຕາແລກປ່ຽນເງິນຕາ ຢ່າງເຂັ້ມງວດ; ເອົາໃຈໃສ່ຈັດເກັບລາຍຮັບຄຸ້ມຄອງລາຍຈ່າຍ ໃຫ້ໄດ້ຕາມຄາດໝາຍທີ່ວາງໄວ້; ເພີ່ມທະວີໃນການນໍາໃຊ້ງົບ ປະມານຢ່າງປະຢັດມັດທະຍັດ ແລະ ຮີບຮ້ອນການຮິບໂຮມລົດລັດໃຫ້ສໍາເລັດ. ພ້ອມນີ້, ໃຫ້ທຸກພາກສ່ວນເອົາໃຈໃສ່ເປັນເຈົ້າການ ແກ້ໄຂບັນຫາຢາເສບຕິດຢ່າງເຂັ້ມງວດ ແລະ ຊຸກຍູ້ການຈັດຕັ້ງປະຕິບັດ ດໍາລັດຂອງລັດຖະບານ ສະບັບເລກທີ 599/ລບ, ລົງວັນທີ 29 ກັນຍາ 2021 ວ່າດ້ວຍລົດຂອງລັດ. ນອກນີ້, ກໍຖືໂອກາດ ໂອ້ລົມພະນັກງານຫຼັກແຫຼ່ງຂອງ 2 ແຂວງ

     ທ່ານ ເຫຼັກໄຫຼ ສີວິໄລ ໄດ້ລາຍງານການຈັດຕັ້ງຜັນຂະຫຍາຍມະຕິກອງປະຊຸມໃຫຍ່ຄັ້ງທີ XI ຂອງພັກກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດສັງຄົມ ແລະແຜນງົບປະມານປະຈຳປີ 2022 ເພື່ອສົ່ງເສີມການຜະລິດສິນຄ້າທົດແທນການນຳເຂົ້າ ແລະ ສົ່ງເສີມການສົ່ງອອກ, ການຄຸ້ມຄອງອັດຕາແລກປ່ຽນ, ການແກ້ໄຂບັນຫາເງິນເຟີ້, ການຄຸ້ມຄອງລາຍຈ່າຍການລົງທຶນກໍ່ສ້າງພື້ນຖານໂຄງລ່າງດ້ານຄົມມະນາທີ່ຫຍຸ້ງຍາກຂອງປະຊາຊົນຢູ່ທ້ອງຖິ່ນ, ການຈັດຕັ້ງປະຕິບັດມະຕິຂອງສະພາແຫ່ງຊາດ, ການຜັນຂະຫຍາຍ 2 ວາລະແຫ່ງຊາດວ່າການແກ້ໄຂຄວາມຫຍຸ້ງຍາກທາງດ້ານເສດ ຖະກິດການເງິນໂດຍສະເພາະການຈັດເກັບລາຍຮັບງົບປະມານຂອງແຂວງ ແລະ ການແກ້ໄຂບັນຫາຢາເສບຕິດ, ການຈັດ ຕັ້ງປະຕິບັດດໍາລັດວ່າດ້ວຍແຜນງານເລກທີ 599/ລບ ລົງວັນທີ 29 ກັນຍາ 2021 ແລະ ມາດຕະການປ້ອງກັນ ແລະ ສະກັດກັ້ນການແຜ່ລະບາດຂອງພະຍາດໂຄວິດ 19 ໂດຍສະເພາະແມ່ນການສັກວັກຊີນໃຫ້ເດັກນ້ອຍກຸ່ມເປົ້າໝາຍ.

     ໂອກາດນີ້, ທ່ານ ນາງ ປານີ ຢາທໍ່ຕູ້ ໄດ້ຮຽກຮ້ອງໃຫ້ອໍານາດການປົກຄອງທຸກຂັ້ນສືບຕໍ່ເຝົ້າລະວັງ, ຄວບຄຸມ, ປ້ອງກັນການແຜ່ລະບາດຂອງພະຍາດໂຄວິດ19 ໂດຍສະເພາະການສັກວັກຊິນໃຫ້ກຸ່ມເປົ້າໝາຍ ໃຫ້ບັນລຸເປົ້າໝາຍ; ອຳນາດການປົກຄອງທຸກຂັ້ນ, ບັນດາພະແນກການ, ອົງການ ສືບຕໍ່ເອົາໃຈໃສ່ຈັດຕັ້ງປະຕິບັດ 2 ວາລະແຫ່ງຊາດ ເປັນຕົ້ນ ການແກ້ໄຂບັນຫາຄວາມຫຍຸ້ງຍາກ ທາງດ້ານເສດຖະກິດການເງິນໃຫ້ເອົາໃຈໃສ່ຄຸ້ມຄອງລາຄາສິນຄ້າ ທີ່ຕິດພັນກັບຊີວິດການເປັນຢູ່ຂອງປະຊາຊົນ; ເອົາໃຈ ໃສ່ຄຸ້ມຄອງອັດຕາແລກປ່ຽນເງິນຕາ ຢ່າງເຂັ້ມງວດ; ເອົາໃຈໃສ່ຈັດເກັບລາຍຮັບຄຸ້ມຄອງລາຍຈ່າຍໃຫ້ໄດ້ຕາມຄາດໝາຍທີ່ວາງໄວ້; ເພີ່ມທະວີໃນການນໍາໃຊ້ງົບປະມານຢ່າງປະຢັດມັດທະຍັດ ແລະ ຮີບຮ້ອນການຮິບໂຮມລົດລັດໃຫ້ສໍາເລັດ. ພ້ອມນີ້, ໃຫ້ທຸກພາກສ່ວນເອົາໃຈໃສ່ເປັນເຈົ້າການ ແກ້ໄຂບັນຫາຢາເສບຕິດຢ່າງເຂັ້ມງວດ, ສືບຕໍ່ຍ້ອງຍໍຊົມເຊີຍ ແລະ ປະຕິບັດນະໂຍບາຍຕໍ່ເຈົ້າໜ້າທີ່ ຜູ້ທີ່ເສຍສະລະຊີວິດໃນການປະຕິບັດໜ້າທີ່ວຽກງານ; ຂໍໃຫ້ອົງປົກຄອງທ້ອງຖິ່ນ ປະຕິບັດນະໂຍບາຍສົ່ງເສີມການຜະລິດຂອງປະຊາຊົນຕາມທ່າແຮງຂອງຕົນ ພ້ອມທັງແນະນໍາດ້ານເຕັກນິກວິຊາການໃນການປູກການລ້ຽງ.

     ນອກຈາກນີ້, ຕ້ອງໄດ້ສຸມໃສ່ພັດທະນາການທ່ອງທ່ຽວ ປັບປຸງການບໍລິການການ ທ່ອງທ່ຽວ, ຄວນກຳນົດຈຸດທ່ອງທ່ຽວ ທີ່ສາມາດດຶງດູດນັກທ່ອງທ່ຽວເຂົ້າມາທ່ຽວຫລາຍທີ່ສຸດ, ປັບປຸງການບໍຫານລັດໃນທຸກພະແນກການ ໃນການບໍລິການໃຫ້ວ່ອງໄວ ທັນການ, ເອົາໃຈໃສ່ປະສານງານ, ການແບ່ງຂັ້ນຄຸ້ມຄອງໃຫ້ລະອຽດຊັດເຈນ ລະຫວ່າງ ສູນກາງກັບທ້ອງຖິ່ນ, ລະຫວ່າງແຂວງກັບເມືອງ, ລະຫວ່າງເມືອງກັບບ້ານແນໃສ່ເຮັດໃຫ້ການປະຕິບັດວຽກງານໃຫ້ສອດຄ່ອງ ແລະ ມີຜົນສໍາເລັດທີ່ດີຂຶ້ນກວ່າເກົ່າ.

     ໃນໂອກາດນີ້ ທ່ານ ຮອງປະທານປະເທດກໍໄດ້ເຄື່ອນໄຫວຢ້ຽມຢາມ ແລະ ຊຸກຍູ້ການຜະລິດກະສິກຳຢູ່ ເມືອງ ທ່າແຕງ ແຂວງເຊກອງ ໃນວັນທີ 22 ກັນຍາ ຜ່ານມາ, ທ່ານນາງ ປານີ ຢາທໍ່ຕູ້ ຮອງປະທານປະເທດ ໄດ້ເນັ້ນໃຫ້ການນໍາເມືອງທ່າແຕງ ແລະ ການນໍາຂັ້ນແຂວງ ສືບຕໍ່ເອົາໃຈໃສ່ສຶກສາອົບຮົມການເມືອງແນວຄິດ ໃຫ້ປະຊາຊົນຢ່າງທົ່ວເຖິງ, ການໝູນໃຊ້ທີ່ດິນ,ຈັດສັນກຸ່ມປູກກາເຟ, ມັນຕົ້ນ ແລະ ອື່ນໆໃຫ້ປະຊາຊົນ, ຮັກສາດິນໃຫ້ມີຄວາມຍືນຍົງໄປຕາມທິດສີຂຽວ, ຮັບປະກັນດ້ານສະບຽງອາຫານ, ບັນຫານໍ້າມັນ, ການສະກັດກັ້ນຕ້ານໄພເງິນເຟີ້ ເພື່ອອໍານວຍຄວາມສະດວກໃຫ້ປະຊາຊົນ ເຂົ້າເຖິງການຜະລິດສິນຄ້າຂອງຕົນໃຫ້ເກີດດອກອອກຜົນ, ໃຫ້ເຫລືອກິນ, ກາຍເປັນສິນຄ້າສົ່ງອອກ ທັງພາຍໃນ ແລະ ຕ່າງປະ ເທດ ເພື່ອສ້າງແຫລ່ງລາຍຮັບທີ່ໝັ້ນຄົງ ໃຫ້ແກ່ປະຊາຊົນ.

     ທ່ານ ສົມເພັດ ເອີດລັດດາ ເຈົ້າເມືອງທ່າແຕງ ໄດ້ລາຍງານຫຍໍ້ການພັດທະນາເສດຖະກິດສັງຄົມ ຂອງເມືອງ ໂດຍຍົກໃຫ້ເຫັນ ທົ່ວເມືອງມີສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບປອດໄພ, ເສດຖະກິດຂະຫຍາຍ ຕົວຕໍ່ເນື່ອງສະເລ່ຍ 5,24% ຂອງ GDP, ລວມຍອດຜະລິດຕະພັນພາຍໃນປີ 2021 ບັນລຸໄດ້ 892 ຕື້ກີບ, ສະເລ່ຍໃສ່ພົນລະເມືອງໄດ້ 1.315 ໂດລາສະຫະລັດ, ທຽບໃສ່ແຜນການ 5 ປີຄັ້ງທີ 6 ປະຕິບັດໄດ້ 52,23%, ທຽບໃສ່ມະຕິ X ຂອງແຂວງບັນລຸໄດ້ 57,17%, ທຽບໃສ່ມະຕິ XI ຂອງພັກບັນລຸໄດ້ 52,18%, ໃນທົ່ວເມືອງທ່າແຕງ ມີໂຮງງານຜະລິດແປ້ງມັນຕົ້ນ 1 ແຫ່ງ, ໂຮງງານປຸງແຕ່ງກາເຟ 1 ແຫ່ງ, ໂຮງງານປຸງແຕ່ງນໍ້າຢາງພາລາ 1 ແຫ່ງ, ມີແຫລ່ງທ່ອງທ່ຽວທາງປະຫວັດສາດ 1 ແຫ່ງ, ແຫລ່ງທ່ອງທ່ຽວທາງວັດທະນະທໍາ 3 ແຫ່ງ, ແຫຼງທ່ອງທ່ຽວທາງທໍາມະຊາດ 8 ແຫ່ງ, ໃນນັ້ນ ແຫລ່ງທ່ອງທ່ຽວ ທ່າແຕງຟາມ ແລະ ລີສອດ ແມ່ນເປັນໃບໜ້າໃໝ່ຂອງເມືອງທ່າແຕງ.

     ທ່ານ ສົມເພັດ ເອີດລັດດາ ເຈົ້າເມືອງທ່າແຕງ ໄດ້ລາຍງານຫຍໍ້ການພັດທະນາເສດຖະກິດສັງຄົມ ຂອງເມືອງ ໂດຍຍົກໃຫ້ເຫັນ ທົ່ວເມືອງມີສະຖຽນລະພາບທາງດ້ານການເມືອງໜັກແໜ້ນ, ສັງຄົມມີຄວາມສະຫງົບປອດໄພ, ເສດຖະກິດຂະຫຍາຍ ຕົວຕໍ່ເນື່ອງສະເລ່ຍ 5,24% ຂອງ GDP, ລວມຍອດຜະລິດຕະພັນພາຍໃນປີ 2021 ບັນລຸໄດ້ 892 ຕື້ກີບ, ສະເລ່ຍໃສ່ພົນລະເມືອງໄດ້ 1.315 ໂດລາສະຫະລັດ, ທຽບໃສ່ແຜນການ 5 ປີຄັ້ງທີ 6 ປະຕິບັດໄດ້ 52,23%, ທຽບໃສ່ມະຕິ X ຂອງແຂວງບັນລຸໄດ້ 57,17%, ທຽບໃສ່ມະຕິ XI ຂອງພັກບັນລຸໄດ້ 52,18%, ໃນທົ່ວເມືອງທ່າແຕງ ມີໂຮງງານຜະລິດແປ້ງມັນຕົ້ນ 1 ແຫ່ງ, ໂຮງງານປຸງແຕ່ງກາເຟ 1 ແຫ່ງ, ໂຮງງານປຸງແຕ່ງນໍ້າຢາງພາລາ 1 ແຫ່ງ, ມີແຫລ່ງທ່ອງທ່ຽວທາງປະຫວັດສາດ 1 ແຫ່ງ, ແຫລ່ງທ່ອງທ່ຽວທາງວັດທະນະທໍາ 3 ແຫ່ງ, ແຫຼງທ່ອງທ່ຽວທາງທໍາມະຊາດ 8 ແຫ່ງ, ໃນນັ້ນ ແຫລ່ງທ່ອງທ່ຽວ ທ່າແຕງຟາມ ແລະ ລີສອດ ແມ່ນເປັນໃບໜ້າໃໝ່ຂອງເມືອງທ່າແຕງ.

ຮອງປະທານປະເທດຢ້ຽມຢາມພື້ນຖານ ການຜະລິດຢູ່ ແຂວງຈໍາປາສັກ

     ໃນການຢ້ຽມຢາມພື້ນຖານການຜະລິດຢູ່ ແຂວງຈໍາປາສັກຄັ້ງນີ້, ທ່ານຮອງປະທານປະເທດ ພ້ອມຄະນະໂດຍການຕ້ອນຮັບຂອງ ທ່ານ ວິໄລວົງ ບຸດດາຄໍາ ເຈົ້າແຂວງຈໍາປາສັກ ໄດ້ໄປສວນກາເຟ ຂອງບໍລິສັດ ສົມໄຊຈະເລີນສົ່ງເສີມການກະເສດ ຈຳກັດ ຜູ້ດຽວ, ສວນຂອງບໍລິສັດອາໂກຣເຕັກ ໂປຣລາວ ຈຳກັດ (ປະເທດມາເລເຊຍ) ແລະ ຢ້ຽມຢາມບໍລິສັດ ກາເຟດາວ ຈໍາກັດ ຢູ່ຫລັກ 20 ເມືອງບາຈຽງຈະເສີນສຸກ ເຊິ່ງຢູ່ແຕ່ລະຈຸດແມ່ນໄດ້ຮັບການຕ້ອນຮັບຈາກທາງບໍລິສັດ ແຕ່ລະແຫ່ງຢ່າງອົບອຸ່ນ ພ້ອມທັງໄດ້ລາຍງານສະພາບການດຳເນີນທຸລະກິດໂດຍຫຍໍ້ ລວມທັງຂໍ້ສະດວກ,  ຂໍ້ຫຍຸ້ງຍາກ ແລະ ທິດທາງແຜນການພັດທະນາໃນຕໍ່ໜ້າ.

     ທ່ານ ນາງ ປານີ ຍາທໍ່ຕູ້ ຮອງປະທານປະເທດ ໄດ້ເຄື່ອນໄຫວຢ້ຽມຢາມພື້ນຖານການຜະລິດ ເພື່ອຕິດຕາມ ແລະ ຊຸກຍູ້ໃຫ້ກຳລັງໃຈແກ່ປະຊາຊົນຜູ້ປະກອບການ, ການຜະລິດໃຫ້ມີການຂະຫຍາຍຕົວ ແລະ ພັດທະນາກ້າວຂຶ້ນ, ຕອບສະໜອງການບໍລິໂພກ ແລະ ສົ່ງອອກ, ປັບປຸງຂອດການຜະລິດຫັນໄປສູ່ທັນສະໄໝ ກະສິກຳສະອາດ ແລະ ຂະຫຍາຍຕະຫລາດພາຍໃນ ແລະ ຕ່າງປະເທດຢ່າງກວ້າງຂວາງ.

 

ຂ່າວຫຼ້າສຸດ
ການນຳຂັ້ນສູງ ສປປ ລາວ ຕ້ອນຮັບການເຂົ້າອວຍພອນຂອງບັນດາທູຕານຸທູດ
ຂໍ້ມູນຕິດຕໍ່ພົວພັນ
ຈຳນວນຜູ້ເຂົ້າຊົມ