ຫ້ອງວ່າການສໍານັກງານປະທານປະເທດ ຈັດຝຶກອົບຮົມໃຫ້ພະນັກງານ

15/08/2022

ຫ້ອງວ່າການສໍານັກງານປະທານປະເທດ ຈັດຝຶກອົບຮົມໃຫ້ພະນັກງານ

     ເພື່ອເປັນການຍົກລະດັບຄວາມຮູ້ ກໍຄືທັກສະກ່ຽວກັບການບັນທຶກກອງປະຊຸມ ແລະ ການຂຽນບົດລາຍງານ ໃຫ້ພະນັກງານພາຍໃນຫ້ອງວ່າການສໍານັກງານປະທານປະເທດ (ຫສປທ) ໃຫ້ມີຄວາມຊໍານິຊໍານານ, ຖືກຕ້ອງ, ຊັດເຈນ, ຕາມຈຸດປະສົງ ແລະ ຄາດໝາຍ ຫ້ອງວ່າການສໍານັກງານປະທານປະເທດຮ່ວມກັບສະຖານທູດອົດສະຕາລີ ປະຈໍາ ສປປ ລາວ ໄດ້ຈັດຊຸດຝຶກອົບຮົມກ່ຽວກັບການບັນທຶກກອງປະຊຸມ ແລະ ການຂຽນບົດລາຍງານ ( Minute taking and Report Writing Training ) ຂຶ້ນໃນຕອນເຊົ້າວັນທີ 15 ສິງຫາ 2022 ທີ່ໂຮງແຮມຄຣາວພລາຊາ ນະຄອນຫຼວງວຽງຈັນ ໂດຍໃຫ້ກຽດເຂົ້າຮ່ວມຂອງທ່ານ ນາງ ເຂັມມະນີ ພົນເສນາ, ຫົວໜ້າຫ້ອງວ່າການສໍານັກງານປະທານປະເທດ ແລະ ທ່ານ Paul Kelly, ເອກອັກຄະລັດຖະທູດ ແຫ່ງ ອົດສະຕຣາລີ ປະຈໍາ ສປປ ລາວ ມີຄະນະຮັບຜິດຊອບຊຸດຝຶກອົມຮົມ, ຄະນະຄູຝຶກຈາກສູນຝຶກອົບຮົມແທັກໂດ ແລະ ນັກຝຶກອົບຮົມຈາກ ຫສປທ ຈໍານວນ 21 ທ່ານ.

      ທ່ານ ນາງ ເຂັມມະນີ ພົນເສນາ ໄດ້ມີຄໍາເຫັນວ່າການຝືກອົບຮົມໃນຄັ້ງນີ້ແມ່ນມີຄວາມສໍາຄັນຍິ່ງໃນການຍົກລະດັບຄວາມຮູ້ ແລະ ທັກສະການບັນທຶກກອງປະຊຸມ ແລະ ການຂຽນບົດລາຍງານ ຂອງພະນັກງານ ຫສປທ ໂດຍຜ່ານການຮຽນຮູ້ບົດຮຽນໃນແຕ່ລະຫົວຂໍ້ຈາກຄູຝຶກທີີ່ມີປະສົບການສູງ ກ່ຽວກັບວິທີການຂຽນບົດ ທີີ່ນໍາໃຊ້ພາສາຂຽນຈະແຈ້ງ ແລະ ໄດ້ເນືື້ອໃນ. ນອກຈາກການຟັງການອະທິບາຍ ແລ້ວຜູ້ເຂົ້າຮ່ວມຈະໄດ້ທົດລອງຝຶກຂຽນ ແລະ ສັງລວມເນືື້ອໃນຂອງຫົວຂໍ້ທີ່ກໍານົດໄວ້ ຊຶ່ງຈະເປັນການຮຽນຮູ້ດ້ວຍການເຮັດຕົວຈິງ. ການຝຶກອົບຮົມໃນຄັ້ງນີ້ແມ່ນໜຶ່ງໃນການຊ່ວຍເຫຼືອທາງດ້ານທຶນຮອນ ແລະ ວິຊາການ ຈາກສະຖານທູດອົດສະຕຣາລີ, ຊຶ່ງເປັນຄັ້ງທໍາອິດ ຂອງການຮ່ວມມືທາງດ້ານວິຊາການ ລະຫວ່າງ ສະຖານທູດອົດສະຕຣາລີ ປະຈໍາ ສປປ ລາວ ແລະ ຫສປທ. ການຮ່ວມມືໃນຄັ້ງນີ້ເປັນການເສີມຂະຫຍາຍສາຍ ພົວພັນອັນສະໜິດແໜ້ນລະຫວ່າງ ລາວ ແລະ ອົດສະຕຣາລີ ທີີ່ເປັນຄູ່ຮ່ວມມືສອງຝ່າຍ, ຫຼາຍຝ່າຍ ແລະ ເປັນຄູ່ຮ່ວມພັດທະນາຂອງອາຊຽນ. ນອກຈາກການຝຶກອົບຮົມຄັ້ງນີ້ແລ້ວ ຍັງຈະມີການຝຶກອົບຮົມໃນຫົວຂໍ້ຄວາມເປັນຜູ້ນໍາ ຊຶ່ງຈະຈັດໃນເດືອນກັນຍາທີ່ຈະມາເຖິງນີ້ທີ່ີ່ເມືອງວັງວຽງ  ແຂວງ ວຽງຈັນ,  ໄດ້ນໍາສົ່ງພະນັກງານຂັ້ນກົມ 01 ທ່ານໄປຝຶກອົບຮົມຢູ່ປະເທດອົດສະຕາລີ, ທຶນຮຽນພາສາອັງກິດຢູ່ພາຍໃນປະເທດ 5 ທຶນໃນປີ 2023.  ຫວັງຢ່າງຍິ່ງວ່າພາຍຫຼັງຝຶກອົບຮົມນີ້ແລ້ວ ຫສປທ ຍັງຈະໄດ້ຮັບການຊ່ວຍເຫຼືອທາງດ້ານວິຊາການອື່ນໆຈາກສະຖານທູດອົດສະຕາລີໃນຕໍ່ໜ້າ. ທ່ານຍັງໄດ້ຮຽກຮ້ອງໃຫ້ຜູ້ເຂົ້າຮ່ວມຕັ້ງໃຈແລກປ່ຽນບົດຮຽນນໍາຄູຝຶກ, ຖ້າບັນຫາໃດທີີ່ເຫັນວ່າຍັງບໍ່ທັນຈະແຈ້ງຂໍໃຫ້ມີຄວາມກ້າຫານຍົກຂຶ້ນສົນທະນາ ເພືີ່ອຈະໄດ້ນໍາເອົາບົດຮຽນດັ່ງກ່າວໄປໝູນໃຊ້ເຂົ້າໃນວຽກງານທີີ່ຕົນຮັບຜິດຊອບ. ພ້ອມນີ້, ທາງຄະນະຮັບຜິດຊອບກໍໃຫ້ເອົາໃຈໃສ່ຕິດຕາມການຝຶກອົບຮົມຢ່າງໃກ້ຊິດ ເພື່ອເປັນຂົວຕໍ່ປະສານງານໃຫ້ການຝຶກອົບຮົມຄັ້ງນີ້ປະສົບຜົນສໍາເລັດລົງດ້ວຍດີ.

     ພ້ອມນັ້ນ, ທ່ານ Paul Kelly, ເອກອັກຄະລັດຖະທູດ ແຫ່ງ ອົດສະຕຣາລີ ປະຈໍາ ສປປ ລາວ ກໍໄດ້ມີຄໍາເຫັນວ່າວ່າການຂຽນບົດລາຍງານ ແລະ ບົດບັນທຶກ ແມ່ນໝາກຫົວໃຈຂອງການຂຽນສໍາລັບການບໍລິຫານລັດ ຊຶ່ງການເກັບກໍາຈຸດປະສົງ ແລະເນື້ອໃນຂອງກອງປະຊຸມແມ່ນສິ່ງທີ່ສໍາຄັນເພື່ອນໍາໄປສູ່ການຂຽນລາຍງານທີ່ຈະແຈ້ງ ແລະ ຖືກຕ້ອງພາຍໃນອົງກອນ ແລະ ສົ່ງອອກໄປສູ່ສາທາລະນະຊົນ ແມ່ນທັກສະທີ່ຈໍາເປັນຢ່າງຍິ່ງສໍາລັບ ພະນັກງານ-ລັດຖະກອນຂອງພວກເຮົາ.

      ຊຸດຝຶກອົບຮົມດັ່ງກ່າວຈະໄດ້ດໍາເນີນໄປເປັນເວລາ 05 ວັນ ນັບແຕ່ວັນທີ 15- 19 ສິງຫາ 2022 ນີ້ ຈຶ່ງຈະສໍາເລັດລົງ.

 

ຂ່າວຫຼ້າສຸດ
ການນຳຂັ້ນສູງ ສປປ ລາວ ຕ້ອນຮັບການເຂົ້າອວຍພອນຂອງບັນດາທູຕານຸທູດ
ຂໍ້ມູນຕິດຕໍ່ພົວພັນ
ຈຳນວນຜູ້ເຂົ້າຊົມ