ອົງຄະນະພັກຫ້ອງວ່າການສໍານັກງານປະທານປະເທດ ຈັດພິທີເລື່ອນສະມາຊິກພັກສຳຮອງຂື້ນສົມບູນ ແລະ ມອບບັດໃຫ້ສະມາຊິກພັກສົມບູນ.

31/08/2022

ອົງຄະນະພັກຫ້ອງວ່າການສໍານັກງານປະທານປະເທດ ຈັດພິທີເລື່ອນສະມາຊິກພັກສຳຮອງຂື້ນສົມບູນ ແລະ ມອບບັດໃຫ້ສະມາຊິກພັກສົມບູນ.

     ໃນຕອນເຊົ້າ ວັນທີ 31 ສິງຫາ 2022  ອົງຄະນະພັກຫ້ອງວ່າການສໍານັກງານປະທານປະເທດໄດ້ຈັດພິທິເລື່ອນສະມາຊິກພັກສຳຮອງຂື້ນສົມບູນ ແລະ ມອບບັດສະມາຊິກພັກໃຫ້ສະມາຊິກພັກສົມບູນເປັນຄັ້ງທີV ພິທີດັ່ງກ່າວຈັດຂຶ້ນທີ່ຫ້ອງປະຊຸມໃຫຍ່, ທຳນຽບປະທານປະເທດ ໃຫ້ກຽດເປັນປະທານໂດຍ  ສະຫາຍ ນ. ເຂັມມະນີ ພົນເສນາ, ກຳມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າ ຫສປທ. ເຂົ້າຮ່ວມໃນພິທີດັ່ງກ່າວ, ມີຄະນະບໍລິຫານງານພັກ, ຄະນະໜ່ວຍພັກ ແລະ ສະມາຊິກພັກພາຍໃນ ຫສປທ ເຂົ້າຮ່ວມຢ່າງພ້ອມພຽງ.

     ພິທີເລື່ອນສະມາຊິກພັກສຳຮອງຂື້ນສົມບູນໃນຄັ້ງນີ້ໄດ້ດຳເນີນໄປຢ່າງຖືກຕ້ອງຕາມກົດລະບຽບຂອງພັກປະຊາຊົນປະຕິວັດລາວ ສະໄໝທີ XI ຊຶ່ງມີສະມາຊິກພັກສຳຮອງໄດ້ເລື່ອນຂື້ນສົມບູນ 08 ສະຫາຍ, ຍິງ 05 ສະຫາຍ ແລະ ມອບບັດໃຫ້ສະມາຊິກພັກສົມບູນ ຈຳນວນ 16 ສະຫາຍ, ຍິງ 06 ສະຫາຍ.

     ໃນໂອກາດນີ້, ສະຫາຍ ນ. ເຂັມມະນີ ພົນເສນາ ໄດ້ມີຄໍາເຫັນໂອລົມຕໍ່ສະມາຊິກພັກສົມບູນໃໝ່ ຈົ່ງເອົາໃຈໃສຝຶກຝົນຫຼ່ໍຫຼອມຕົນເອງ, ປະຕິບັດກົດລະບຽບຂອງພັກຢ່າງເຂັ້ມງວດ ຖືເອົາ 5 ຫຼັກການ 3 ທິດນຳ ແລະ 11 ຂໍ້ຫ້າມສໍາລັບສະມາຊິກພັກ ຢູ່ໃນກົດລະບຽບພັກປະຊາຊົນປະຕິວັດລາວ ສະໄໝທີ XI ບຸກບືນໃຫ້ກາຍເປັນສະມາຊິກພັກທີ່ດີເດັ່ນ ແລະ ເປັນແບບຢ່າງນໍາໜ້າໃຫ້ແກ່ມະຫາຊົນ, ຍົກສູງຄວາມຮູ້,ຄວາມສາມາດ,ມີຄວາມຮັບຜິດຊອບຕໍ່ໜ້າທີ່ວຽກງານ ມີທັດສະນະຊົນຊັ້ນຢ່າງຖືກຕ້ອງ; ເຊື່ອໝັ້ນຕໍ່ແນວທາງການນຳພາຂອງພັກ,ຝຶກຝົນຫລໍ່ຫລອມທາງດ້ານຄຸນທາດການເມືອງໃຫ້ໜັກແໜ້ນ, ຄຸນສົມບັດສິນທຳປະຕິວັດ, ມີແບບແຜນການດຳລົງຊີວິດໃຫ້ປອດໃສຂາວສະອາດ, ຍົກສູງສະຕິລະວັງຕົວ ຕໍ່ກົນອຸບາຍ ຫັນປ່ຽນໂດຍສັນຕິຂອງສັດຕູ, ກຳແໜ້ນແນວທາງນະໂຍບາຍຂອງພັກ ໂດຍສະເພາະ ແນວທາງປ່ຽນແປງໃໝ່ຮອບດ້ານ ຢ່າງມີຫລັກການຂອງພັກໃຫ້ໜັກແໜ້ນເລິກເຊິ່ງ, ເອົາໃຈໃສ່ປະຕິບັດວຽກງານ ໃຫ້ມີປະສິດທິພາບ ແລະມີປະສິດທິຜົນສູງຂື້ນໄປເລື້ອຍໆ. ສຳລັບສະຫາຍທີ່ໄດ້ຮັບບັດສະມາຊິກພັກ ຂໍໃຫ້ເອົາໃຈໃສ່ປົກປັກຮັກສາໃຫ້ດີ, ນໍາໃຊ້ໃຫ້ຖືກຕ້ອງຕາມລະບຽບຫຼັກການ; ຈະເປັນຂໍ້ສະດວກໃນການນຳສະເໜີຮ່ວມຊີວິດພັກໃນກໍລະນີໄປເຄືອນໄຫວວຽກໄລຍະ ບໍ່ເກີນ 06 ເດືອນ ແລະ ນໍາໃຊ້ໃນການລົງປະຊາມະຕິໃນກອງປະຊຸມສຳຄັນຕ່າງໆ.

 

 

ຂ່າວຫຼ້າສຸດ
ຫສປທ ສະຫຼຸບວຽກງານຈັດຕັ້ງ, ພັກ-ພະນັກງານ ແລະ ວຽກງານກວດກາ
ຂໍ້ມູນຕິດຕໍ່ພົວພັນ
ຈຳນວນຜູ້ເຂົ້າຊົມ