ສະຫະພັນກໍາມະບານ ຫ້ອງວ່າການສໍານັກງານປະທານປະເທດ ຕ້ອນຮັບການລົງເຮັດວຽກຂອງ ທ່ານຮອງປະທານສູນກາງສະຫະພັນກໍາມະບານລາວ

17/08/2022

ສະຫະພັນກໍາມະບານ ຫ້ອງວ່າການສໍານັກງານປະທານປະເທດ ຕ້ອນຮັບການລົງເຮັດວຽກຂອງ  ທ່ານຮອງປະທານສູນກາງສະຫະພັນກໍາມະບານລາວ

          ໃນວັນທີ 17 ສິງຫາ 2022  ສະຫະພັນກໍາມະບານຫ້ອງວ່າການສໍານັກງານປະທານປະເທດ ໄດ້ຕ້ອນຮັບການລົງເຮັດວຽກຂອງທ່ານ ພອນສານ ວິໄລເມັ້ງ, ຄະນະພັກ, ຮອງປະທານຄະນະບໍລິຫານງານສູນກາງສະຫະພັນກໍາມະບານລາວ ພ້ອມດ້ວຍຄະນະທີ່ລົງມາພົບປະເຮັດວຽກຢູ່ຫ້ອງວ່າການສໍານັກງານປະທານປະເທດ.

      ຈຸດປະສົງໃນການລົງເຄື່ອນໄຫວຂອງ ທ່ານຮອງປະທານສູນກາງສະຫະພັນກໍາມະບານລາວ ຢູ່ສະຫະພັນກໍາມະບານ ຫສປທໃນຄັ້ງນີ້ ແມ່ນເພື່ອເປັນການລົງຊຸກຍູ້, ຕິດຕາມ, ກວດກາການເຄື່ອນໄຫວວຽກງານ ຂອງສະຫະພັນກຳມະບານ ຫສປທ ໃນໄລຍະຜ່ານມາ ແລະ ພົບປະເຮັດວຽກນໍາຄະນະປະທານສະຫະພັນກຳມະບານ ແລະ ຕາງໜ້າຮາກຖານກຳມະບານ.

         ໃນໂອກາດນີ້, ທ່ານ ພອນສານ ວິໄລເມັ້ງ, ຄະນະພັກ, ຮອງປະທານຄະນະບໍລິຫານງານສູນກາງສະຫະພັນກໍາມະບານລາວພ້ອມດ້ວຍຄະນະ ໄດ້ເຂົ້າພົບ ທ່ານນ. ເຂັມມະນີ ພົນເສນາ ກໍາມະການສູນກາງພັກ, ເລຂາຄະນະບໍລິຫານງານພັກ, ຫົວໜ້າຫ້ອງວ່າການສໍານັກງານປະທານປະເທດ ເພື່ອແຈ້ງຈຸດປະສົງໃນການລົງມາເຮັດວຽກໃນເທື່ອນີ້. ຫຼັງຈາກນັ້ນ ຈຶ່ງພົບປະເຮັດວຽກກັບຄະນະກໍາມະບານ ຫສປທ.

          ທ່ານ ຄໍາຕາ ລາດຊະວົງ ປະທານສະຫະພັນກຳມະບານ ຫ້ອງວ່າການສໍານັກງານປະທານປະເທດ ໄດ້ລາຍງານການເຄື່ອນໄຫວ ວຽກງານກໍາມະບານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2022. ໃນນັ້ນ ໄດ້ມີບາງຂໍ້ສະເໜີຕໍ່ ສູນກາງສະຫະພັນກໍາມະບານລາວ ທີ່ລົງມາເຮັດວຽກນໍາ ໃນຄັ້ງນີ້.

          ການພົບປະກໍຄືການລົງເຮັດວຽກໃນເທື່ອນີ້ຂອງກໍາມະບານຂັ້ນເທິງ ແມ່ນສະແດງເຖິງຄວາມເປັນຫວ່ງເປັນໄຍຕໍ່ກໍາມະບານ ຫສປທ ຂອງພວກເຮົາ.

 

 

ຂ່າວຫຼ້າສຸດ
ຫສປທ ສະຫຼຸບວຽກງານຈັດຕັ້ງ, ພັກ-ພະນັກງານ ແລະ ວຽກງານກວດກາ
ຂໍ້ມູນຕິດຕໍ່ພົວພັນ
ຈຳນວນຜູ້ເຂົ້າຊົມ