ໃນວັນທີ 04 ທັນວາ 2022 ທ່ານ ມາ​ມູດ ອັບ​ບາດ, ປະທານາທິບໍດີ ແຫ່ງ ລັດ​ປາ​ແລັດ​ສະ​ຕິນ,ປະ​ທານ​ຄະ​ນະ​ກຳ​ມະ​ການອົງ​ການ​ປົດ​ປ່ອຍ ປາ​ແລັດ​ສະ​ຕິນ ໄດ້ສົ່ງສານຕອບຂອບໃຈ ເຖິງ ທ່ານ   ທອງລຸນ ສີສຸລິດ, ປະທານປະເທດ ແຫ່ງ ສປປ ລາວ ເນື່ອງໃນໂອກາດທີ່ ສປປ ລາວ ລົງຄະແນນສຽງສະໜັບສະໜູນ ໂດຍເນື້ອໃນສານໄດ້ກ່າວວ່າ:

“ໃນນາມຂອງລັດປາແລັດສະຕິນ, ຂ້າພະເຈົ້າ ຂໍສະແດງຄວາມຂອບໃຈມາຍັງ ສປປ ລາວ ທີ່ໄດ້ລົງຄະແນນສຽງສະໜັບສະໜູນ ຕໍ່ການຮ້ອງຂໍຂອງ ສະມັດຊາໃຫຍ່ ສະຫະປະຊາຊາດ ເພື່ອຂໍຄຳເຫັນຄຳແນະນຳຈາກສານຍຸຕິທຳສາກົນ ກ່ຽວກັບ ກົດໝາຍ ຂອງ ອິດສະຣາແອນ ທີ່ ການຍຶດຄອງເປັນເມືອງຂຶ້ນທີ່ແກ່ຍາວມາ, ການປະຕິເສດສິດທິຂອງປະຊາຊົນປາແລັດສະຕິນ ໃນການຕັດສິນໃຈດ້ວຍຕົວເອງ ແລະ ນະໂຍບາຍການເລືອກປະຕິບັດຕໍ່ປະຊາຊົນຂອງພວກເຮົາ, ຕະຫຼອດເຖິງຄວາມຮັບຜິດຊອບສາກົນທີ່ເກີດຂື້ນຈາກການກຳນົດດັ່ງກ່າວ.

ພວກເຮົາຖືວ່າການລົງຄະແນນສຽງນີ້ ເປັນການສະແດງເຖິງຄຳໝັ້ນສັນຍາຂອງທ່ານໃນການສະໜັບສະໜູນສິດທິຂອງປະຊາຊົນປາແລັດສະຕິນ ໃນການຕັດສິນໃຈດ້ວຍຕົວເອງ, ຕາມທີ່ກຳນົດໄວ້ໃນກົດບັດຂອງສະຫະປະຊາຊາດເປັນສິດຂອງທຸກຄົນ ແລະ ຄຳໝັ້ນສັນຍາ ຕາມລະບຽບການສາກົນ.

ການລົງຄະແນນສຽງຂອງທ່ານສະແດງເຖິງຄວາມເຊື່ອໝັ້ນຂອງທ່ານໃນຫຼັກນິຕິທຳ ແລະ ການບັງຄັບໃຊ້ສາກົນ ແລະ ເປັນການຢືນຢັນເຖິງຄວາມຈຳເປັນຂອງເຄື່ອງມືຂອງຄວາມເປັນລະບຽບຮຽບຮ້ອຍສາກົນນີ້, ລວມທັງອົງການຕຸລາການຫຼັກ, ເພື່ອສະແດງບົດບາດຂອງຕົນທີ່ເປັນທຳ, ເພື່ອແກ້ໄຂ ແລະ ຢຸດຕິສະຖານະການຂອງຄວາມບໍ່ຍຸຕິທຳທີ່ແກ່ຍາວ, ການກົດຂີ່, ການແບ່ງແຍກສີຜິວ ແລະ ໄພຂົ່ມຂູ່ອັນຮ້າຍແຮງອື່ນໆຕໍ່ສັນຕິພາບ ແລະ ຄວາມປອດໄພສາກົນ. ການເປີດໃຊ້ເຄື່ອງມືມີຄວາມສຳຄັນຫຼາຍຍ້ອນຄວາມຫຼົ້ມເຫຼວຂອງສະພາຄວາມໝັ້ນຄົງໃນການກຳນົດໃຫ້ອິດສະຣາແອນຕ້ອງຮັບຜິດຊອບ ເຊິ່ງນຳໄປສູ່ການຢຸດຕິການລະເມີດມະຕິສະພາໂດຍເຈດຕະນາ ແລະ ຕັ້ງໃຈ, ກົດໝາຍສາກົນ ແລະ ສິດທິຂອງປະຊາຊົນປາແລັດສະຕິນທີ່ບໍ່ສາມາດແບ່ງແຍກໄດ້, ລວມທັງສິດທິຂອງປະຊາຊົນໃນການຕັດສິນໃຈດ້ວຍຕົນເອງ.

ປາແລັດສະຕິນ ໄດ້ດຳເນີນຄວາມພະຍາຍາມດັ່ງກ່າວເພາະຍຶດໝັ້ນຕໍ່ກົດໝາຍ ແລະ ຫຼັກການສາກົນ. ປະຊາຊົນປາແລັດສະຕິນ ປະສົບກັບຄວາມທຸກທໍລະມານຈາກການລະເມີດອັນຍືດເຍື້ອຍາວນານ ແລະ ຮ້າຍແຮງທີ່ສຸດຕໍ່ຫຼັກການພື້ນຖານຂອງກົດໝາຍສາກົນ ລວມທັງສິດທິໃນການຕັດສິນໃຈດ້ວຍຕົນເອງ, ການຫ້າມ, ການຍຶດເອົາດິນແດນໂດຍການບັງຄັບ ແລະ ສິດທິຂອງທຸກໆຄົນ ໃນສິດທິມະນຸດຂັ້ນພື້ນຖານ.

ຄຳຮ້ອງຂໍນີ້ຍັງເກີດຂຶ້ນໃນສະພາບອັນຫຍໍ້ທໍ້ໃນປີທີ່ປະຊາຊົນປາແລັດສະຕິນ ເສຍຊີວິດຫຼາຍທີ່ສຸດ ໃນເວດແບັງ ໃນຮອບ 15 ປີຜ່ານມາ ເນື່ອງຈາກກອງກຳລັງຍຶດຄອງຂອງອິດສະຣາແອນ ແລະ ພວກທີ່ຕັ້ງຖິ່ນຖານຂອງພວກຫົວຮຸນແຮງ ເພີ່ມທະວີການໂຈມຕີທີ່ຮຸນແຮງຂຶ້ນ ແລະ ໃນຂະນະທີ່ອິດສະຣາແອນ ເຊິ່ງມີອຳນາດຍຶດຄອງ, ຍັງຄົງຢືນຢັນຢູ່ກັບການຕັ້ງຖິ່ນຖານ ແລະ ການກໍ່ສ້າງ ແລະ ຂະຫຍາຍກຳແພງຫີນ, ການທຳລາຍເຮືອນຂອງປະຊາຊົນປາແລັດສະຕິນ ແລະ ການບັງຄັບຍ້າຍພົນລະເຮືອນຂອງປາແລັດສະຕິນໃນທົ່ວອານາເຂດທີ່ຍຶດຄອງ ປາແລັດສະຕິນ, ລວມທັງ ແລະ ໂດຍສະເພາະຢູ່ພາຍໃນ ແລະ ອ້ອມຮອບຂອງເຢຮູຊາເລັມ. ຍິ່ງໄປກວ່ານັ້ນ, ຢູ່ເຂດກາຊາ ພົນລະເຮືອນທັງໝົດຍັງຖືກລົງໂທດ ແລະ ທໍລະມານ ດ້ວຍການປິດລ້ອມຂອງອິດສະຣາແອນທີ່ບໍ່ມີຄວາມມະນຸດສະທຳ ແລະ ການຮຸກຮານທາງທະຫານທີ່ທຳລາຍຊໍ້າແລ້ວຊໍ້າອີກ, ການລະເມີດ ແລະ ອາດຊະຍາກຳສົງຄາມດັ່ງກ່າວ ຍັງຄົງສືບຕໍ່, ເຖິງວ່າຈະມີການຮຽກຮ້ອງຊໍ້າແລ້ວຊໍ້າອີກຂອງປະຊາຄົມສາກົນໃຫ້ຢຸດຕິນະໂຍບາຍທີ່ຜິດກົດໝາຍ ແລະ ຢຸດຕິການຍຶດຄອງດັ່ງກ່າວ. ຄຳຮ້ອງຂໍຂອງພວກເຮົາຍັງເກີດຂື້ນຫຼັງຈາກການຕັດສິນຂອງຜູ້ນຳສາກົນ, ປາແລັດສະຕິນ ແລະ ອົງການສິດທິມະນຸດອິດສະຣາແອນ ແລະ ຜູ້ຊ່ຽວຊານຂອງອົງການສະຫະປະຊາຊາດເອກະລາດຫຼາຍໆຄົນ, ວ່າມີຫຼັກຖານຈຳນວນຫຼາຍເພື່ອຕັດສິນໃຈທາງດ້ານກົດໝາຍທີ່ກຳນົດການຍຶດຄອງຂອງອິດສະຣາແອນ ເປັນການຍຶດຄອງອານານິຄົມໃຊ້ລະບອບການແບ່ງແຍກສີຜິວ ເພື່ອຂົ່ມຂູ່ ແລະ ກົດຂີ່ປະຊາຊົນປາແລັດສະຕິນ.

ຢ່າງໃດກໍ່ຕາມ, ໜ້າເສຍດາຍຄວາມຕັ້ງໃຈເຫຼົ່ານີ້ ແລະ ການຮຽກຮ້ອງໃຫ້ປະຕິບັດຕາມຜົນທີ່ໄດ້ຮັບແມ່ນໄດ້ຮັບການຕໍ່ຕ້ານ, ການປະຕິເສດ ແລະ ການເປັນສັດຕູກັນຢ່າງຈິງຈັງຈາກບາງລັດ, ເຊິ່ງຍັງສືບຕໍ່ຮຽກຮ້ອງໃຫ້ປົກປ້ອງອິດສະຣາແອນຈາກຄວາມຮັບຜິດຊອບ ແລະ ເປັນການເບິ່ງຂ້າມຕໍ່ການລະເມີດລະບົບກົດໝາຍສາກົນຂອງອິດສະຣາແອນ, ເຮັດໃຫ້ເກີດການອຳມະພາດທາງດ້ານການເມືອງ ແລະ ການຂັດຂວາງການສະແຫວງຫາສັນຕິພາບ ແລະ ຍຸຕິທຳຂອງພວກເຮົາ.

ເພື່ອປະເຊີນໜ້າກັບຄວາມເປັນຈິງນີ້, ການຂາດ ແລະ ການຂັດຂວາງຂອບເຂດທາງດ້ານການເມືອງ, ລັດປາແລັດສະຕິນ ຈຶ່ງຈຳເປັນຕ້ອງສະແຫວງຫາຄຳຕັດສິນຈາກຜູ້ມີອຳນາດສູງສຸດໃນກົດໝາຍສາກົນກ່ຽວກັບເລື່ອງທີ່ສຳຄັນເຫຼົ່ານີ້, ເຊິ່ງໃນຄວາມເປັນຈິງແມ່ນເລື່ອງທີ່ມີຢູ່ແລ້ວສຳລັບປະຊາ ຊົນພວກເຮົາ. ແທ້ຈິງແລ້ວ, ມັນເປັນໜ້າທີ່ ແລະ ຄວາມຮັບຜິດຊອບຂອງພວກເຮົາຕໍ່ປະຊາຊົນຂອງພວກເຮົາທີ່ຈະດຳເນີນທຸກວິທີທາງທີ່ຖືກຕ້ອງຕາມກົດໝາຍເພື່ອປົກປ້ອງ ແລະ ຮັກສາສິດຂອງພວກເຂົາ ແລະ ສົ່ງເສີມໃຫ້ກາຍເປັນຄວາມຈິງໃນທີ່ສຸດ.

ໃນທັດສະນະຂອງປາແລັດສະຕິນ, ການຮ້ອງຂໍຕໍ່ສານໂລກ ເປັນຂັ້ນຕອນທີ່ຖືກຕ້ອງ ແລະ ໄດ້ຮັບການຮັບຮອງໃນເວລາທີ່ເໝາະສົມ ແລະ ດ້ວຍເຫດຜົນໃນການຮ້ອງຂໍດັ່ງກ່າວແມ່ນສອດຄ່ອງກັບການໃຫ້ຄຳປຶກສາຂອງສານຍຸດຕທຳສາກົນ ໃນການໃຫ້ຄຳແນະນຳກ່ຽວກັບຂໍ້ໂຕ້ແຍ້ງທາງດ້ານກົດ  ໝາຍ ທີ່ເກີດຈາກນະໂຍບາຍ ແລະ ການປະຕິບັດທີ່ຂັດຕໍ່ກົດໝາຍສາກົນ ເພື່ອໃຫ້ສະພາແຫ່ງຊາດ ສາມາດກຳນົດຂັ້ນຕອນທີ່ເໝາະສົມ ແລະ ຈຳເປັນທີ່ສຸດເພື່ອແກ້ໄຂກັບສະຖານະການພາຍໃຕ້ຂອບເຂດອຳນາດຂອງຕົນ. ໃນເວລານີ້ຄຳແນະນຳຂອງຄວາມຄິດເຫັນຂອງສານຍຸຕິທຳສາກົນຈະໃຫ້ການສະໜັບສະໜູນອັນລໍ້າຄ່າຕໍ່ຄວາມພະຍາຍາມທີ່ມີມາແຕ່ດົນນານຂອງສະພາແຫ່ງຊາດ ໃນການສົ່ງເສີມວິທີການແກ້ໄຂບັນຫາຂອງປາແລັດສະຕິນ ຢ່າງຍຸຕິທຳ ທີ່ສອດຄ່ອງກັບຄ່ານິຍົມ ແລະ ຫຼັກການຂອງກົດລະບຽບສາກົນ.

ດັ່ງນັ້ນ, ມັນບໍ່ພຽງແຕ່ຖືກຕ້ອງ, ແຕ່ສິ່ງທີ່ຂາດບໍ່ໄດ້ສຳລັບສະພາແຫ່ງຊາດ ຈະຕ້ອງຂໍຄຳແນະນຳຈາກສານຍຸຕິທຳສາກົນ ໃນຈຸດທີ່ສຳຄັນນີ້. ຄວາມຍຸຕິທຳສາກົນຕ້ອງເປີດໃຊ້ເພື່ອໃຫ້ມີບົດບາດ ແລະ ສະໜັບສະໜູນດ້ວຍຄວາມເປັນທຳ ເພື່ອບັນລຸຄວາມຍຸຕິທຳ ແລະ ສັນຕິພາບ.

ພວກເຮົາຮັບຮູ້ດີວ່າ ແຮງກົດດັນກຳລັງເພີ່ມສູງຂື້ນ ແລະ ນຳໃຊ້ກົນລະຍຸດເພື່ອຂົ່ມຂູ່ ເພື່ອກີດຂວາງປະເທດສະມາຊິກບໍ່ໃຫ້ໃຊ້ສິດອະທິປະໄຕ ຂອງພວກເຂົາ ໃນການກຳນົດຈຸດຢືນຂອງຕົນຢ່າງເສລີ ໃນເລື່ອງສຳຄັນດັ່ງກ່າວ. ເຖິງຢ່າງໃດກໍ່ຕາມ, ພວກຂ້າພະເຈົ້າ ເຊື່ອໝັ້ນວ່າ ຄວາມສາມັກຄີ, ການສະໜັບສະໜູນກົນໄກສັນຕິພາບ ແລະ ຫຼາຍຝ່າຍ, ລວມເຖິງ ຄວາມຍຸຕິທຳສາກົນ ແລະ ເຊື່ອໝັ້ນຕໍ່ຫຼັກການນິຕິທຳ ຈະຍັງເປັນແນວທາງຫຼັກຂອງຂ້າພະເຈົ້າຕະຫຼອດໄປ.

ສະນັ້ນ, ຂ້າພະເຈົ້າ ຂໍສະຫຼຸບ ດ້ວຍການຢໍ້າຄືນຄວາມຂອບອົກຂອບໃຈຢ່າງຈິງໃຈຂອງລັດປາແລັດສະຕິນອີກຄັ້ງ ແລະ ຊາບຊຶ້ງຕໍ່ການສະໜັບສະໜູນຢ່າງມີຫຼັກການຂອງທ່ານຕໍ່ຂໍ້ລິເລີ່ມທີ່ສຳຄັນນີ້, ເຊິ່ງຈະຊຸກຍູ້ຄວາມກ້າວໜ້າຂອງຄວາມຍຸຕິທຳ, ສັນຕິພາບ ແລະ ຮັກສາຈຸດຢືນ, ສະຖານະການ ແລະ ລະບົບສາກົນທີ່ກ່ຽວຂ້ອງຂອງພວກເຮົາ.”